Sanondaf á Íslandi og um allan heim

Sanondaf er alþjóðleg sótthreinsiþjónusta sem sérhæfir sig í sótthreinsun og djúphreinsun með byltingarkenndri snertilausri sótthreinsitækni. Alþjóðlegar höfuðstöðvar fyrirtækisins eru á Möltu en Sanondaf er einnig með skrifstofur í Bretlandi og Írlandi, Ekvador, Mexíkó, Suður-Afríku, Filippseyjum og í Singapúr.

Hugmyndin

Sanondaf Ísland er í eigu BG þjónustunnar. Upprunalega hugmyndin kom fram árið 2008 hjá hreingerningafyrirtæki á Möltu og varð til vegna fyrirspurnar í tengslum við gildandi samning um þrif á sjúkrahúsi. Á sjúkrahúsi á Möltu vantaði aðferð til að eyða 100% allra gerla og veira (fjölónæmra) sem þar höfðu fundist. Enda þótt í gildandi samningi væri kveðið á um notkun bestu mögulegu sótthreinsunarferla samkvæmt gildandi stöðlum hafði ekki tekist að koma í veg fyrir gerlasýkingar. Umfangsmikil athugun leiddi í ljós að gerlar gátu leynst á stöðum sem erfitt var að ná til, svo sem í loftopum á sjónvörpum og tölvuskjáum. Hefðbundnar hreinsunaraðferðir dugðu ekki og þannig fæddist hugmyndin að Sanondaf; skilvirkari sótthreinsunarlausnir hlutu að vera til. Sanondaf sem fyrirtæki varð svo til í kjölfar rannsókna á árangursríkum aðferðum sem unnt væri að beita gegn smiti og víxlmengun.

Hvað gerum við?

Sanondaf býður snertilaust sótthreinsikerfi sem drepur 99,99% af öllum hættulegum gerlum, veirum, sveppum og myglu. 

Þetta er gert með nýstárlegum úðabúnaði í fremstu röð þar sem vetnisperoxíði er úðað með rafstöðuhleðslu samhliða notkun sótthreinsiefnis, SanoChem, sem hefur verið viðurkennt til þeirra nota. Kerfið er hugsað sem viðbót við hefðbundnar sóttvarnir, svo sem almennar hreingerningar.

SanoChem er fullkomlega umhverfisvænt og skaðlaust mönnum, dýrum og plöntum. SanoChem er ekki ætandi og er bæði öruggt og ráðlegt að nota það á raftæki og rafeindabúnað.

Meðal þess sem hægt er að eyða á öruggan hátt með SanoChem er eftirfarandi:

COVID-19, MRSA, Noro-veirur, H1N1 og H5N1 (inflúensuveirur), Clostridium Difficile (C-diff), Escheria Coli (kólígerlar) og margt annað.

Markmið okkar

Markmið okkar er að gera fólki kleift að lifa, vinna og leika á öruggan hátt með því að draga úr áhættunni sem fylgir sýkingu og víxlmengun. Við vinnum að þessu með því að skuldbinda okkur til að nota aðeins bestu vörurnar, fullþjálfa starfsfólk okkar í notkun Sanondaf-kerfisins og vinna stöðugt að þróun þjónustunnar.

Hverjum þjónum við?

Sanonadaf býður snertilausa sótthreinsun og þrif sem starfsmenn með vottun frá Sanondaf annast, annað hvort reglulega samkvæmt föstum samningi eða með

útköllum þegar bregðast þarf skjótt við eða neyðarástand skapast Við bjóðum áhrifaríka og alhliða sótthreinsunarþjónustu fyrir breiðan hóp stofnana, fyrirtækja og einkaaðila t.d.: sjúkrahús og heilsugæslu, menntastofnanir og leikskóla, hjúkrunarheimili, hótel og afþreyingarstaði, vinnustaði og skrifstofur, heimili og allar tegundir samgöngutækja. Kerfið okkar skilar einnig góðum árangri í öllum landbúnaði og dýrahaldi.